近年來我地係電視上經常都看到好多有關民生的廣告，其中一個就係希望我地以禮待人，令香港變成”禮讓之都”。但有時候，是不是有人覺得禮讓是必然呢？要人禮讓的時候是否應該有一點點的禮貎呢？
我曾經在輕鐵上見到以下遭遇︰輕鐵總有一些比較繁忙的時間，由其是每天學生上學和放學的時候。某一天的放學時間、某一車站上，有兩位學生企係一個死角位、即係兩邊都有依靠的位置，然後，有一個接近老年的師奶推著一個坐左輪椅的老伯進入車廂中，然後不斷大叫著︰”唔該借過，唔該借過。”不斷向著兩位學生的死角位置推進。
跟著她就向兩位學生表示︰”唔該借過，唔該借過”。當時我企係兩位學生隔離，我就嘗試讓d位俾兩位學生可以企另外的位置去俾這位師奶推老伯到那死角位置…但當時實在太逼….兩位學生根本搵唔到地方企…然後果位師奶就向兩位學生大喝:”快d啦”。那兩位學生唯有無助地表示”無位”，那師奶立即向兩位學生”怒罵”著:”企呢度啦”…..我望一望，果個位，一個人單腳企就得既，兩個人….叠羅漢咩…跟著有一位”好人”就”凶”兩位學生:”你讓下人地啦~人地用輪椅架”
老實講:果兩位學生，根本就有相讓既意思…但係當時人多擠逼，他們根本就無可能好”瀟灑”地去另一個位讓俾師奶，咁佢地一路都嘗試去搵第二個位企丫，但係果個師奶好似”老馮”咁..仲要好無禮貌咁對待果兩位學生哥….我就對果位師奶同”好人”好有反感啦！你希望人地以禮相讓既時候…係咪應該都要以禮待人呢?

今天是回歸紀念日，還是七一遊行紀念日呢？我已經搞不清楚了！

自從七一遊行之後，每年七一都會舉辦大遊行。對於當年廿三條粗暴立法的時候，我也認為市民應該表達自己的訴求及意見。上年大家對七一已經不及第一年熱衷了。今年呢？零七、零八普選無可能了，”健華之亂”時代亦都結束了，我認同人民應該表達自己意見~但……今年七一似乎沒有當年有震撼及注意力了。

今日(依家時間應該話昨日才對)天文台發出紅色警報~天氣就立即隨著警報而驟變~由落雨變成落”狗屎”我只係行一段短短的路程~就變成一隻落湯雞….有一把好大把既遮都可以濕到上心口…

諗住今日快d返屋企換衫…點知d call不斷係咁唻…結果…..八點先返到屋企…天啊…我對鞋同對襪…..返工既時候已經係濕晒…成日對鞋都好似浸住水咁…極不舒服…..!

近幾日都落雨..對我呢d周圍去…做野既人唻講..簡直係惡夢….我近幾日…每日都要拎住把遮周圍去不在講…而且我份工需要穿著整齊的恤衫西褲..本來對我唻講都唔係太大問題….但係落雨既時候…..對鞋又濕….條褲又濕左一半(雖然已經擔晒遮)………當條褲濕左一半..又無得換……成日都濕漉漉咁…..都好辛苦的…!!有時候朝早濕晒…到返屋企既時候….對腳…因為對鞋好早已經濕晒既關係…..會”巢”晒皮……….!!咁樣都幾係野…….所以我唔係咁鐘意落雨的…………

歡呼~~~~~~~~!!

星期四既夜晚~終於考晒試啦(大家唔好問我考成點)！跟住因為學校既新制度下~我將會進一個為期三個月既summer break(又要遲四個月先畢業了)，自從我由2001年開始讀呢個bachelor之後~終於叫做有返三個月既休息時間了！雖則我又要遲左先畢到業~但係係三年幾唻既生活裏面~有時真係有點抖不過氣來~依家依個空檔既時間真係要好好咁休息一下~!充下電~咁就真係無得彈~!

今天是星期天~每逢星期天的夜晚，我都會同一班好朋友去打籃球，順便談談近況。

因為居住地點不同的關係，通常我都是獨自一人回家的。當我回家去到一個路口的時候，耳邊傳來幾部車的引發聲…..”轟隆~~~!!轟隆~~~!!轟隆~~~!!”。我正在奇怪…為何在這種地方會有幾部跑車在路邊…但當我抬頭一望(沒錯~!我行路的時候很多時都會垂頭的，因我非常留意”路面情況”)，竟然發現只是三部小巴在等綠燈.。我不禁心想…究竟是他們以為現在是跑車比賽，還是時間急趕得在紅緣燈等候的時候都不耐煩地為引擎加油呢….！他們可能是在賽車壇上鬱鬱不得志，淪落為一個小巴司機去發展他們”一秒都不能少”的駕駛技術。

小巴的確是我們香港人的標誌，小巴就和香港人一樣，”一秒都不能少”。工作步伐急速，行步路都趕過人，好似大家都在比賽競步一樣。一寸光陰一寸金正是香港人的座右銘！從小巴中我得到這樣的體會…

近排工作不太忙~有點空閒的時間…總會去到書坊裏看看漫畫…上一上網…

在我去到書坊的時候，發現了一套我看了兩三遍的漫畫..”男兒當入樽”..突然有一種想看的衝動，不知是否因為我還會每星期和朋友們去球場打籃球~還是這部漫畫還是很吸引我。雖然書坊有很多書我都沒有看過，但我的手還是不禁拿起”男兒當入樽”這套漫畫。

雖然這套漫畫我不是第一次看，但我還是看得欲罷不能，一本一本地看下去~書中主角的毅力和求勝慾，的確令人又佩服又興奮~但同時間亦不禁想起~自己是否缺乏這些東西?怎樣才可有這樣的衝勁?

一套漫畫，除了可以令人解悶之外~還可以起引自己更深層的思考，而且更可以學懂某些東西…原來看漫畫也不錯！